Kur na ndajnë 4 ditë nga zgjedhjet e 14 majit, ambasadorja Yuri Kim ka dhënë mesazhin e saj për qytetarët shqiptarë, por edhe për partitë politike.
Në një deklaratë të shkurtër për gazetarët, Yuri Kim tha se ka raportime për shit-blerje votash dhe për këtë autoritetet duhet të bëjnë detyrën e tyre.
“Nëse dikush thotë që është duke blerë vota për një parti politike, kjo parti duhet të ndërmarrë veprime”, tha ambasadorja Kim.
Pyetje: Keni një mesazh për votuesit shqiptarë?
Yuri Kim: Të gjithë që kanë të drejtë për të votuar duhet të votojnë. Kemi parë raportime për blerje votash dhe shitje votash. Shpresojmë që autoritetet ligjzbatuese do bëjnë detyrën e tyre dhe nëse dikush thotë që është duke blerë vota për një parti politike, kjo parti duhet të ndërmarrë veprime.
Këto deklarata, diplomatja Kim i bëri pas konferencës për 110-vjetorin e krijimit të Gjykatës së Lartë.
