Vijon të jetë e tensionuar në Leposaviq, ku është sulmuar fizikisht kameramani i RTK-së, Bardh Bekteshi, të cilit i është thyer edhe kamera.
Në pamjet e dërguara nga gazetarja Venera Xhoxhaj, shihet sulmi i ekipeve të medieve dhe kameramani Bekteshi duke u rrëzuar.
Ndërkohë një grup protestuesish serbë kanë kaluar kordonin e KFOR dhe janë vendosur para godinës së komunës në Leposaviq.
Protesta ndodhi kur ministri Krasniqi hyri për të takuar kryetarin e komunës, Liburn Aliu, i cili prej ditësh qëndron i ngujuar brenda zyrës së tij.
