Gjendet trupi i pajetë i një gruaje në Portin e Vlorës.
Bëhet me dije nga burimet për mediat se gruaja është gjetur në ujë, pranë një rimorkiatori.
Ka qenë stafi i mjetit ujor që ka njoftuar policinë. Ende nuk dihet shkaqet, ndërsa policia po punon për zbardhjen e ngjarjes.
Trupi është nxjerrë nga uji dhe ka nisur menjëherë puna për identifikimin e saj.
Vlorë/Informacion paraprak
Rreth orës 19:00, në zonën e Portit, në ujë është konstatuar e pajetë shtetasja Merushe Metaj 71 vjeçe, banuese në Vlorë.
Nga kqyrja paraprake nuk janë konstatuar shenja dhune dhe dyshohet se kjo shtetase është vetëmbytur.
Për këtë shtetase mëngjesin e sotëm kanë bërë kallzim në Polici, familjarët e saj për largim nga banesa.
Shtetasja M.M vuante nga probleme të shëndetit mendor.
Grupi hetimor po vijon veprimet për zbardhjen dhe dokumentimin e plotë të këtij rasti.
