Deputetja Flutura Açka me anë të një postimi në rrjete sociale u ka bërë thirrje demokratëve që të votojnë për kreun e ri të partisë.
“Qiejt e pastër politikë në demokraci, nuk ndodhin prej natyre si çdoherë pas stuhisë. Për qartësinë e tyre duhet të lesh shenjën tēnde: të vizatosh blu mbi blu. Dhe demokratët sot kanë shenjën e tyre. Sot nuk votohet emri, por procesi pa kthim i demokratizimit të Partisë Demokratike, votohet ndarja përfundimtare nga tranzicioni dhe politika pseudoeuropiane. Është një betejë e vështirë, shumë e vështirë, por jo e pamundur”, shkruan Açka.
Partia Demokratike sot mban zgjedhjet për kreun e ri, ndërsa janë dy kandidatë në garë, Lulzim Basha dhe Gjergj Hani. Procesi i votimit ka nisur në orën 8:00 dhe pritet të përfundojë në orën 19:00 të mbrëmjes.
25 mijë anëtarët që pritet të votojnë në 71 qendrat e votimit duhet të paraqesin kartën e identitetit dhe kartën e anëtarësisë së Partisë Demokratike.
