Detaje të reja janë zbardhur nga aksidenti i trefishtë i ndodhur pasditen e sotme, në aksin rrugor Korçë-Pogradec.
Mësohet se tre automjetet janë përplasur pasi një prej tyre ka bërë një parakalim të gabuar, teksa një nga mjetet ka përfunduar në kanal. Nga përplasja 7 persona kanë mbetur të plagosur, mes tyre dhe dy fëmijë të mitur, 4 dhe 15 vjeç.
Të plagosurit u dërguan në spitalin e Korçës dhe ndodhen jashtë rrezikut për jetën. Policia ndodhet në vendngjarje për zbardhjen e rrethanave.
