Gjergj Zefi, administratori i portalit “Pamfleti” është dhunuar me sende të forta mbrëmjen e kësaj të marte. Sipas Policisë, ngjarja ka ndodhur në rrugën “Bardhok Biba”.
Mësohet se Zefin e kanë goditur sapo ka dalë nga zyrat.Menjëherë pas marrjes së informacionit policia ka shkuar ne zyrat e “Pamfleti”, ku kanë sekuestruar disa kamera sigurie në zonë ku ndodhi ngjarja.
Sipas informacioneve paraprake, mësohet se kanë qenë më shumë se 2 persona, te cilët sapo ai ka dalë e kanë sulmuar nga mbrapa. Gazetari nuk ka arritur t’i shoh agresorët.Ata pas ngjarjes ia kanë mbathur, identiteti i tyre nuk dihet ende.
Aktualisht ai ndodhet te Trauma, ku ka pak dëmtime ne kokë, por pa rrezik për jetën.
