Apeli i Gjykatës së Posaçme ka lënë në fuqi ditën e sotme, sekuestron e pasurive të ish-shefit të Forcave Operacionale, Oltion Bistri.
Pasuria me vlerë 3 milionë euro iu sekuestrua Bistrit pas arrestimit të tij, për shkak se akuzohet se është pjesë e një grupi të strukturuar kriminal.
Oltian Bistri është arrestuar si pjesë e dosjes “Metamorfoza” pasi dyshohet se në vitin 2016 është përfshirë në veprimtari kriminale. Ndaj Oltion Bistrit është ngritur akuza për kryerjen e veprave penale “Korrupsioni pasiv i personave që ushtrojnë funksione publike”, “Zbulimi i akteve ose të dhënave sekrete” dhe “Pastrimi i produkteve të veprës penale ose veprimtarisë kriminale”. Ai dyshohet se u jepte informacione bandave kriminale, për operacionet e policisë.
Vlera totale e blerjes së pasurive të sekuestruara sipas çmimeve të përcaktuara në kontratat noteriale është 3.091.519 Euro.
Pasuritë që iu sekuestruan Oltion Bistrit:
➢ 22 – Njësi (dyqane/ambiente biznesi);
➢ 10 – Apartamente;
➢ 1 – Vilë;
➢ 1 – Truall;
➢ 1 – Garazh;
➢ 1 – Automjet.
