Fëmijët në konflikt me ligjin kanë filluar vitin e ri shkollor në Institutin e të Miturve në Kavajë.
Ceremonia u zhvillua në prani të Drejtorit të Zyrës Vendore Arsimore z. Enver Biturku drejtoreshës së institucionit dhe stafit pedagogjik.
Drejtori Biturku uroi nxënësit për një vit të suksesshëm, duke theksuar rëndësinë e arsimit në rrugën e tyre drejt rehabilitimit dhe integrimit shoqëror.
Edhe Drejtori i Përgjithshëm i Burgjeve, z. Klevis Qose, uroi fëmijët e punonjësve të burgjeve, të dënuarve dhe paraburgosurve një vit të ri shkollor të mbushur me suksese dhe mundësi të reja.
‘Edukimi është një forcë e madhe për të ndërtuar një të ardhme më të mirë dhe të sigurt. Suksese në rrugëtimin tuaj drejt dijes!
Urime dhe përqafime’, tha Qose!
