TIRANË- Policia e Tiranës dhe Prokuroria pas mbylljes së protestës së opozitës kanë nisur hetimet dhe mbledhjen e provave të para. Gjithashtu grupi i ekspertëve është vendosur fillimisht te Kryeministria, ku nisi edhe protesta.
Ndërkohë raportohet se 15 shishe me Molotovë janë gjetur të ndara në dy çanta në afërsi të Bashkisë së Tiranës. Lëndët u gjetën të paplasura, pasi protestuesit u larguan kur efektivët hodhën gaz lotsjellës.
