Al Nassr u eliminua nga Kupa e Mbretit të Arabisë Saudite pasi humbi 0-1 në shtëpi nga Al Taawon.
Cristiano Ronaldo pati një mundësi të madhe për të barazuar në minutën e 96-të, por u tregua i pasaktë në ekzekutimin e një 11-metërshi. Goditja e portugezit shkoi mbi portën e kundërshtarit dhe përfundoi duke goditur një fëmijë, i cili kishte celularin në dorë duke regjistruar momentin.
Adoleshenti, fatmirësisht, nuk u dëmtua nga goditja e fortë e Ronaldos, por ndoshta do t’i duhet të blejë një celular të ri.
