Një aksident me vdekje ka ndodhur mesditën e sotme në aksin rrugor Lushnje-Berat.
Namik Halili 63 vjeç nga Durrësi, humbi jetë pasi u përplas nga një mjet i drejtuar nga Genci Ismaili, 54 vjeç.
‘Rreth orës 12:55, në aksin rrugor “Lushnjë-Berat”, shtetasi G. I., 54 vjeç, duke drejtuar automjetin, ka përplasur shtetasin N. H., rreth 63 vjeç, këmbësor.
Si pasojë e dëmtimeve, shtetasi N. H. ka humbur jetën në vendngjarje.
Shërbimet e Policisë shoqëruan drejtuesin e automjetit, shtetasin G. I., në Komisariat, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit’, informon policia.
