SHKODRA- Një 65-vjeçar është arrestuar në Shkodër, pasi dhunonte dhe kërcënonte me jetë vazhdimisht bashkëjetuesen e tij dhe fëmijën e tyre të mitur. Policia bën me dije se Mark Gjokaj e kishte kërcënuar gruan dhe fëmijën me jetë. Gjatë kontrollit në banesë, shërbimet e Policisë i kanë gjetur dhe sekuestruar 65-vjeçarit një armë gjahu, që ai e mbante pa leje.
Njoftimi i policsë:
Dhunonte vazhdimisht bashkëjetuesen e tij, në prezencë të fëmijës së tyre të mitur, dhe i kanoste të dy për jetën, kapet në flagrancë dhe vihet në pranga 65-vjeçari. Sekuestrohet një armë gjahu, që ky shtetas e posedonte pa leje, në banesë.
Shërbimet e Komisariatit të Policisë Shkodër, pas marrjes së njoftimit nga një shtetase, se bashkëjetuesi i saj e kishte dhunuar vazhdimisht dhe e kishte kanosur për jetën, kanë ndërhyrë menjëherë për kapjen e këtij shtetasi.
Si rezultat i veprimeve të shpejta, është arrestuar në flagrancë shtetasi shtetasi Mark Gjokaj, 65 vjeç. Gjatë kontrollit në banesë, shërbimet e Policisë kanë gjetur dhe sekuestruar një armë gahu, që ky shtetas e mbante pa leje. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
