Lajmi: Një listë e publikuar së fundmi në media ka nxjerrë në pah pagat mujore të administratorëve, drejtuesve ekzekutivë, koordinatorëve dhe punonjësve të organizatave që financohen nga USAID dhe Fondacioni Soros në Shqipëri. Sipas të dhënave të publikuara, disa nga këto paga variojnë nga 187,000 lekë deri në 3.1 milionë lekë të reja në muaj, që përkthehen në rreth 31 mijë euro.
Në këtë listë, Fondacioni Soros kryeson me shifrat më të larta, ku drejtori ekzekutiv Andi Dobrushi rezulton të marrë 31 mijë euro në muaj, ose rreth 370 mijë USD në vit, një shumë që ngjall diskutime të shumta në shoqëri.
Ky publikim vjen në një kohë kur një konflikt i ashpër ka shpërthyer mes administratës së ish-presidentit amerikan Donald Trump dhe USAID-it, lidhur me mënyrën e përdorimit të fondeve të taksapaguesve amerikanë për mbështetje në projekte të shoqërisë civile në mbarë botën. Bashkëpunëtorët e Trump e kanë kritikuar ashpër USAID-in, duke e quajtur atë një “organizatë kriminale” dhe “financuese të OJQ-ve të së majtës radikale”.
Përveç pagave të drejtuesve të këtyre organizatave, lista përmban edhe emrat dhe fotot e tyre, duke ofruar informacion që konsiderohet të jetë me interes publik. Ky informacion ka ngjallur diskutime për ndikimin e këtyre organizatave dhe mënyrën se si përdoren fondet ndërkombëtare në Shqipëri dhe në rajon. Burimi JOQ
