Tiranë, 23 mars 2025 – Policia e Tiranës ka arrestuar një 44-vjeçare, e cila aksidentoi një fëmijë 3-vjeçar në rrugën “3 Dëshmorët” dhe më pas u largua nga vendngjarja.
Mësohet se 3-vjeçari është dërguar në spital, ku ndodhet nën kujdesin e mjekëve. Policia ka ndërmarrë menjëherë veprimet hetimore dhe ka mundur të identifikojë dhe arrestojë shoferen, e cila do të përballet me akuzat për aksidentim dhe largim nga vendngjarja.
Autoritetet po punojnë për zbardhjen e plotë të ngjarjes dhe për marrjen e masave përkatëse.
