Një tjetër rast i paprecedent raportohet në regjimin autokrat të Aleksandër Vuçiçit në Serbi.
Së fundmi, ai ka dëbuar një mjek kroat, vetëm sepse e kishte mbështetur protestat në rrjetet sociale.
Mjeku Arien Stojanovi? Ivkovi? kishte mbaruar shkollën e lartë në Beograd, ku edhe ishte martuar dhe kishte ndërtuar familjen e jetonte e punonte prej 12 vitesh.
Tashmë atij do t’i duhet të lërë gjithçka pas dhe të largohet njëherë e mirë nga Serbia brenda 7 ditësh, pasi ka ofenduar…”liderin”.
Autoritetet serbe e kanë cilësuar atë si një “rrezik” për vendin. Ky nuk është rasti i parë që ndodh me dëbimin e shtetasve të huaj nga Serbia, por është rasti më ekstrem që përfshin një mjek i cili penalizohet për pikëpamjet e tij.
Vuçiç ka shfaqur gjithnjë e më tepër shenja paranoje, teksa protestat masive me qindra mijëra serbë kanë mbushur qytetet duke i kërkuar atij dorëheqjen. Ai pretendon se “influenca të jashtme” i nxisin këto protesta.
