Elbasan- Një aksident ka ndodhur në lagjen “28 nëntori” në Cërrik.
Mësohet se është përplasur nga makina një 61-vjeçar. Sipas policisë, 61-vjeçari është jashtë rrezikut për jetën.
“Specialistët e Qarkullimit Rrugor referuan materialet në Prokurori ku nisi procedimi penal për shtetasin 67 vjeç, banues në Cërrik, pasi në lagjen “28 Nëntori”, duke kryer manovrën indietro me automjet, ka aksidentuar shtetasin 61 vjeç, këmbësor, i cili është jashtë rrezikut për jetën”, thuhet në njoftimin e policisë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
