ë ngjarje tragjike është regjistruar në bregdetin e Shëngjinit, ku katër persona janë marrë nga dallgët në det, duke shkaktuar një bilanc të rëndë.
Sipas informacioneve paraprake, dy persona kanë humbur jetën, ndërsa dy të tjerë janë nxjerrë nga uji në gjendje të rëndë shëndetësore dhe janë transportuar me urgjencë drejt spitalit për të marrë ndihmën e nevojshme mjekësore.
Në vendngjarje kanë mbërritur menjëherë shërbimet e emergjencës, forcat e policisë dhe ekipet e kërkim-shpëtimit, të cilat ndërhynë për t’u ardhur në ndihmë personave të përfshirë në këtë ngjarje të rëndë.
Rrethanat e plota të incidentit mbeten ende të paqarta, ndërsa autoritetet po punojnë për identifikimin e viktimave dhe zbardhjen e plotë të ngjarjes.
Ngjarja ka tronditur pushuesit dhe banorët e zonës, ndërsa pritet një reagim zyrtar nga policia lidhur me detajet e kësaj tragjedie.
