Një ngjarje e rëndë ka ndodhur në Britaninë e Madhe, ku një burrë 48 vjeç përdhunoi 99 vjeçaren.
Momenti i tmerrshëm u zbulua përmes kamerës së fshehtë të vendosur në dhomën e të moshuarës nga familjarët e saj. Phillip Carey ishte kujdestar i saj pasi ajo vuante nga sëmundje mendore dhe madje nuk lejonte as të afërmit e saj ta preknin.
Carey u arrestua dhe u dënua me burgim të përjetshëm pasi familja thirri policinë.
Familja e viktimës tha se ishin “të tronditur dhe të tmerruar” dhe nuk e kishin imagjinuar kurrë se do ta shihnin “të keqtrajtohej dhe përdhunohej në dhomën e saj”.
Në një deklaratë të lëshuar në emër të tyre, ata thanë:
“E kishim vënë re se sjellja e saj kishte ndryshuar, ajo u bë e tërhequr, nuk na përqafonte apo puthte dhe nuk donte që ne të shkonim kur të largoheshim.
“Ne ishim të shqetësuar se ndoshta dikush po tregohej i pasjellshëm ose shumë i ashpër me të, kështu që vendosëm të instalonim një kamerë të fshehtë në dhomën e saj që të mund të shihnim se çfarë po ndodhte.”
Carey iu prezantuan provat mjeko-ligjore dhe pamjet e kamerave pas arrestimit të tij.
Ai u deklarua fajtor për përdhunim, aktivitet seksual me një person me çrregullim mendor.
