Një aksident i rëndë ka ndodhur në Kinë, ku për pasojë 3 persona kanë ndërruar jetë.
Sipas mediave të huaja, ngjarja ka ndodhur në Nanchang, ku një autobus ka përplasur një turmë njerëzish. Sipas informacioneve, shoferi 51-vjeçar ka pësuar infarkt teksa ishte në timon dhe ka humbur ndjenjat. Në këtë moment, autobusi ka dalë nga rruga dhe ka marrë para turmën duke lënë 3 kalimtarë të vdekur e duke plagosur shumë të tjerë.
Shoferi është dërguar në spital pas ngjarjes, teksa policia ka nisur hetimet për të zbardhur të plotë këtë ngjarje.
