Një aksident me vdekje ka ndodhur në Tiranë, gjatë pasdites së djeshme në zonën që njihet ndryshe dhe si shkalla e Tujanit.
Sipas raportimeve të qytetarëve, në media dhe rrjetet sociale, ngjarja ka ndodhur pasditen e djeshme, por është deklaruar vetëm tani nga policia e Tiranës, në një njoftim të shkurtër, ku thuhet:
Specialistët e Qarkullimit Rrugor bënë arrestimin në flagrancë të shtetasit:
O.S., 20 vjeç, pasi duke drejtuar mjetin e tij, ka humbur kontrollin mbi drejtimin e mjetit duke dalë nga rruga, dhe si pasojë ka humbur jetën pasagjeri i mjetit, shtetasi A. K., 20 vjeç.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
Nuk dihet se pse policia e Tiranës, ka dhënë vetëm njoftimin e arrestimit të të riut që ishte në drejtimin e mjetit, dhe jo vdekjen e shokut të tij 20-vjeçar.
Raportimi i qytetarëve, përpara se Policia të bënte publik aksidentin:
Pershendetje! Mbrem rreth ores 9 te darkes ka ndodhur nje aksident ne shkallen e tujanit, ku ka humbur jeten nje djale 20 vjec. Pse nuk behen publik aksidentet ne kete rruge?
