Pak minuta më parë, një aksident i rëndë me pasojë vdekjen e një të moshuari, është regjistruar në Durrës.
Sipas informacioneve, raportohet se në aksin rrugor Plepa-Shkozet, një makinë me targa të huaja, ka përplasur për vdekje një të moshuar, ende të paidentifikuar.
Grupi hetimor dhe policia ndodhen në vendngjarje dhe po punojnë për sqarimin e rrethanave të aksidentit.
‘Rreth orës 11:30, në lagjen 13, Durrës, një automjet tip Benz ka aksidentuar shtetasin Z. K., rreth 78 vjeç, këmbësor. Si pasojë e përplasjes shtetasi Z.K, ka humbur jetën.
Drejtuesi i automjetit është larguar nga vendi i ngjarjes dhe vijon puna intensive për identifikimin dhe kapjen e tij.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit’.
