Një aksident ka ndodhur ditën e sotme në Greqi në aksin Athinë-Selanik, ku ka mbetur një 59-vjeçar i vdekur.
59-vjeçari kishte ndaluar makinën në korsinë e emergjencës për të biseduar në telefon, një makinë kalimtare e drejtuar nga një 26-vjeçar i lindur në Shqipëri me nënshtetësi greke, humbi kontrollin dhe i ra makinës së 59-vjeçarit.
Burri fatkeq u mor nga një ekuipazh i ambulancës në Qendrën Shëndetësore Almyros, por për fat të keq, ai tashmë kishte vdekur. Fatmirësisht bashkëshortja e tij është në gjendje të mirë shëndetësore, si dhe drejtuesi i makinës së dytë.
Menjëherë në vendngjarje shkuan për të ndihmuar pesë zjarrfikëse me dy makina zjarrfikëse të Brigadës së Zjarrfikësve të Drymonas dhe oficerë policie të Departamentit të Almyros. I riu u arrestua, ndërsa hetimet paraprake po kryhen për shkaqet e aksidentit.
