BULQIZA- Një aksident është regjistruar sot në aksin rrugor që lidh ‘Lagjen e Re’ me ‘Lagjen e vjetër’ të qytetit te Bulqizës ku drejtuesi mjetit tip ‘Audi’ është përplasur me drejtuesin e një motoçiklete.
Nga ky aksident mësohet se është plagosur rëndë një grua e cila ndodhej po ashtu në motor. Aksidenti është vërejtur nga drejtuesit e mjeteve të tjerë të cilët kanë lajmëruar ambulancën dhe policinë.
Gjithashtu bëhet me dije se e aksidentuara është në gjendje të rëndë ku pritet helikopteri për dërgimin drejt spitalit të Traumës në Tiranë.
