Një aksident rrugor u regjistrua në mesditë në aksin rrugor Elbasan-Prrenjas. Një furgon tip Passat u përplas me një mjet të tipit Suzuki. Si pasojë e përplasjes ka mbetur e vdekur në vend ,shtetësja Nekie Raçe 68 vjeç dhe ka mbetur i plagosur një tjetër shtetas i cili është dërguar menjëherë në spitalin e Prrenjasit.
Ngjarja ndodhi në fshatin Urakë.
Dy mjetet janë përplasur fort mes tyre duke pësuar dëmtime të mëdha.
Në vendin e ngjarjes ka shkuar policia dhe një grup hetimor të cilët kanë ekzaminuar provat për të përcaktuar shkaqet e këtij aksidenti.
Ja njoftimi i policisë:
Librazhd/ Informacion paraprak
Në aksin rrugor Librazhd-Qafë Thanë, mjeti tip “Volkswagen”, me drejtues shtetasin Sh.K., 67 vjeç, banues në Tiranë, është përplasur me mjetin tip “Suzuki”, me drejtues shtetasin T.R., 69 vjeç, banues në Tiranë.
Si pasojë e aksidentit ka humbur jetën shtetasja N.R., 68 vjeç dhe është plagosur shtetasja E.S., 71 vjeç, banues në Korçë, dhe ndodhet nën kujdesin e mjekëve, të cilat ishin pasagjerë në mjeti tip”Suzuki”.
Grupi hetimore ndodhet në vendngjarje dhe po punon për zbardhjen e shkakut të aksidentit.
