GJEORGJI-Kombëtarja e Bullgarisë mbërriti në Tbilisi të premten përpara ndeshjes së Ligës së Kombeve kundër Gjeorgjisë. Skuadra së bashku me stafin u ndanë në dy autobusë më të vegjël dhe janë nisur drejt hotelit, por fatkeqësisht pak çaste më vonë ka ndodhur një aksident i rëndë.
Shoferi i njërit autobus po lëvizte me shpejtësi të madhe në shiun e dendur që po vërshonte Tbilisin, në një moment humbi kontrollin dhe ndaloi papritur dhe më pas një autobus tjetër u përplas me të. Mesfushori Todor Nedelev u transportua në spital. Futbollisti iu nënshtrua një operacioni në Tbilisi pas aksidentit të rëndë.
Ndërhyrja ka qenë e nevojshme për shkak të një copë xhami të ngulur në kokë. Operacioni kaloi me sukses duke zgjatur më shumë se 2 orë. Lojtari do të qëndrojë në spital për një javë nën mbikëqyrjen mjekësore dhe mësohet se tani ndodhet jashtë rrezikut për jetën.
