Menjëherë pas formimit të qeverisë “Rama 3”, drejtues të lartë të Partisë Socialiste kanë nisur një tur takimesh me strukturat në qarqe.
Blendi Klosi dhe kryetarja e Kuvendit Lindit Nikolla, ditën e sotme kanë zhvilluar një takim në Mirditë, me qëllim nisjen e analizës për zgjedhjet e 25 prillit.
Ndërsa sekretari i ri i përgjithshëm i PS, Damian Gjiknuri është takuar sot me socialistët e Librazhdit. Ai thotë se riorganizimi i strukturave të partisë do të pasohet me dy fitoret e radhës në zgjedhjet vendore të 2023 dhe ato parlamentare të 2025-ës.
“Librazhd, takim me strukturat e Partisë Socialiste.
Pas suksesit në zgjedhjet e 25 Prillit fillojmë menjëherë punën për ri-organizimin e çdo strukture socialiste për të pasuar me dy fitore të tjera në zgjedhjet e vitit 2023 dhe 2025.
Vëmendja e qeverisë dhe kryeministrit Edi Rama ndaj Librazhdit do vijojë me investime në interes të qytetarëve”, shprehet Gjiknuri.
