Ekipi i Brad Pitt-it ka mohuar të gjitha akuzat kundër tij. Përfaqësuesit e Jolie nuk i kanë mohuar zërat nëse ajo qëndron apo jo pas çështjes, ku emri i paditëses është Jane Doe.
SHBA- Detaje të reja klanë dalë në dritë nga beteja e gjatë ligjore mes aktorëve Brad Pitt dhe Angelina Jolie. Së fundmi është zbuluar se Angelina Jolie ka ngritur një padi anonime kundër FBI-së, në të cilën ajo pretendon se bashkë me fëmijët është sulmuar nga Brad Pitt në një avion privat.
Në padi, kërkohet që FBI-ja të dorëzonte dokumentet në lidhje me hetimin ndaj ish burrit të saj. Në padi, Jolie u ankua për mungesë transparence në lidhje me arsyen e mbylljes së hetimit. Aktorja pretendon se ish partneri i saj i hodhi birrë gjatë fluturimit dhe se ishte lënduar gjatë një konfrontimi fizik.
Ekipi i Brad Pitt-it ka mohuar të gjitha akuzat kundër tij. Përfaqësuesit e Jolie nuk i kanë mohuar zërat nëse ajo qëndron apo jo pas çështjes, ku emri i paditëses është Jane Doe.
Divorci i Pitt dhe Jolie ka shkaktuar mosmarrëveshje të zgjatura ligjore mbi kujdestarinë e gjashtë fëmijëve të tyre: Maddox, 21 vjeç; Pax, 18; Zahara, 17 vjeç; Shiloh, 16; Knox, 14 vjeç dhe binjakes së tij Vivienne.
