ANGLI-Jose Mourinho është dikush që kërkon gjithmonë një pagë të madhe kur drejton një skuadrë dhe me tre shkarkime nga puna gjatë 10 viteve të fundit (Chelsea, Manchester United dhe Tottenham) nuk është çudi që ai kryeson listën, pasi ka fituar gjithsej 97.6 milionë paund.
Shifrat i publikon “DailyStar”, që flet për një studim të bërë nga “101Great Goals”, që tregon se “Special One” ka fituar pothuajse 50 milion stërlina më shumë se çdo trajner tjetër në Premier League, vetëm si dëmshpërblim për shkarkimin. Portugezi është mërzitur shumë nga ana profesionale, por ka patur një ngushëllim të mirë nga ana ekonomike.
