Egjiptiani 31-vjeçar zbarkoi në Lampedusa në fillim të korrikut.Më datë 9 gusht ai përdhunoi një vajzë 25-vjeçare jo shumë larg spitalit San Raffaele në Milano, vendi i punës i viktimës.
Hetuesit e skuadrës celulare, të drejtuar nga Marco Calì, arritën tek i dyshuari pas një pune të gjatë për të analizuar kamerat në atë zonë, ata arritën të identifikonin 31-vjeçarin duke krahasuar ADN-në e tij të gjetur në trupin e vajzës së dhunuar. Në 6 të mëngjesit të datës 9 gushtit, 25-vjeçari mbërriti në stacionin e metrosë Cascina Gobba dhe, si zakonisht, mori një rrugë të shkurtër për të arritur në spital.
Kjo rrugë shpesh përdoret nga punëtorët, është e rrethuar me pemë dhe përfshin një zonë kantieri. Pikërisht këtu i dyshuari gjeti momentin e duhur të kapi vajzën nga prapa duke e tërhequr në një gropë të përdorur si vendkalim për tuba.
Pas dhunës ai qëndroi në vend për disa minuta, ndërsa 25-vjeçarja iku e tmerruar në punë, ku u tregoi kolegëve të saj se çfarë i kishte ndodhur. E plagosur dhe e tronditur, në fillim ajo refuzoi të shkonte në polici, por miqtë e saj e bindën që të shkonte në një klinikë për trajtim.
Mjekët konstatuan dhunën dhe i dërguan kallëzimin Prokurorisë, e cila nisi hetimin e Seksionit të Katërt të Skuadrës Fluturuese. lasiciliawebtv
Infowebtv
