Gjashtë oficerë policie dhe të gjithë të arrestuarit e Departamentit të Policisë Omonia u karantinuan për 14 ditë, pasi një shtetas shqiptar, i cili po mbahej në qendrat e paraburgimit në pritje të masës së sigurisë rezultoi me koronavirus.
Siç u bë e ditur nga policia, ai ishte i burgosur i departamentit të Exarcheia por për shkak të mungesës së hapësirës ai u transferua dje në departamentin e Omonia.
Këtë mëngjes, i arrestuari u ndje keq dhe u thirr një ambulancë dhe ai u dërgua në spitalin “Sotiria”, ku iu nënshtrua një testi i cili rezultoi pozitiv.
Pas kësaj, të gjithë të arrestuarit e repartit Omonia u karantininuan për 14 ditë, si dhe katër oficerë policie të të njëjtit repart që ranë në kontakt me ta dhe pacientin, dhe dy oficerë të tjerë policorë të repartit Exarcheia, të cilët e kishin shoqëruar gjatë transferimi i tij me patrullë.
Sipas burimeve të policisë, asnjë nga të karantinuarit nuk ka shfaqur simptoma, ndërsa gjatë gjithë procedurës rregullat paraprake (doreza, maska, distanca, etj) janë respektuar në mënyrë rigoroze dhe, siç parashikohet nga protokolli EODY, dezinfektimi është kryer në ambientet e burgut.
