Euro 2024 ka shpallur ditën e sotme fituesin e çmimit “goli më i mirë i kualifikueseve” për kompeticionin europian të vitit të ardhshëm, për të cilin ishin në garë dhe Kristjan Asllani dhe Jasir Asani.
Pavarësisht super-golave që dy djemtë kuqezinj shënuan për t’i dhënë fitoren Kombëtares sonë, ata nuk kanë mundur të fitojnë, teksa çmimin e ka “rrëmbyer” lojtari nga Kazakistani, Askhat Tagybergen. Lojtari shënoi një gol të ngjashëm me atë të shqiptarëve, në ndeshjen Kazakistan-Danimarkë.
Nga ana tjetër, Asani është renditur i dyti me “predhën” e shënuar kundër Polonisë në ndeshjen e luajtur në “Air Albania”. Pas tij Kristian Asllani plotëson podiumin, me një gol po aq të bukur, të shënuar kundër Ishujve Faroe.
