Avni Mema, i njohur për aktivitetin e tij politik, ka reaguar fuqishëm ndaj akuzave të vazhdueshme të kryetarit të Partisë Demokratike, Sali Berisha, i cili gjatë një takimi elektoral në qytetin e Librazhdit përmendi Mema-n dhe shpiku ngjarje të pavërteta.
Në një deklaratë publike, Mema ka hedhur poshtë këto shpifje si të pabaza dhe të qëllimshme, duke theksuar se këto akuzat janë vetëm përpjekje për ta dëmtuar atë personalisht dhe politikisht. Ai ka theksuar se asnjëherë nuk ka qenë pjesë e ngjarjeve që Berisha ka përmendur dhe se kjo lloj fushate shpifjesh është një akt i ulët politik.
Mema gjithashtu ka deklaruar se çdo përpjekje për ta përfshirë në këto skenarë do të marrë përgjigjen e duhur, si në planin moral dhe ligjor. Ai ka shtuar se këto shpifje kanë prekur rëndë jo vetëm atë, por edhe familjen e tij, e cila është tronditur nga këto akuza të pabaza.
Në përfundim, Mema ka kritikuar heshtjen e institucioneve dhe faktorëve politikë, duke i cilësuar ata si bashkëfajtorë për këtë situatë. Ai ka bërë thirrje për qytetarët që të mos bien pre e manipulimeve dhe të gjykojnë me mendje të kthjellët, duke nënvizuar se e vërteta është më e fortë se çdo shpifje.
Reagim i Avni Memës:
Jam i detyruar të reagoj publikisht ndaj një fushate të turpshme shpifjesh që po drejtohet ndaj meje nga kryetari i Partisë Demokratike, z. Sali Berisha. Edhe sot, gjatë një takimi elektoral në qytetin e Librazhdit, z. Berisha ka shpikur dhe përhapur ngjarje që nuk kanë ndodhur kurrë, duke më përmendur në mënyrë të pavërtetë dhe abuzive.
Këto deklarata monstruoze janë jo vetëm tërësisht të sajuara, por edhe të qëllimshme për të më dëmtuar personalisht dhe politikisht. Unë nuk kam qenë kurrë pjesë e asnjë ngjarjeje apo rrethane që justifikon këtë sulm të ulët dhe të paprecedent. Kjo sjellje e përsëritur e një lideri opozitar tregon degradimin e një fushate politike në baltë dhe mashtrime.
Dua ta bëj shumë të qartë: çdo përpjekje për të më përfshirë në skenarë të sajuar do të marrë përgjigjen e duhur, si në planin moral, publik dhe nëse është e nevojshme, edhe në rrugë ligjore. Ky abuzim i vazhdueshëm ka prekur rëndë jo vetëm mua, por edhe familjen dhe të afërmit e mi, të cilët janë tronditur nga këto sulme të pabaza.
Fatkeqësisht, nga ana e institucioneve dhe faktorëve politikë nuk ka pasur asnjë reagim. Heshtja juaj është bashkëfajësi. Unë nuk do të rri më i heshtur. Askush nuk ka të drejtë të përdorë emrin tim për interesa të ulëta politike.
I bëj thirrje të gjithë qytetarëve të mos bien pre e manipulimeve të qëllimshme dhe të gjykojnë me mendje të kthjellët. E vërteta është më e fortë se çdo shpifje.
Avni Mema, Librazhd.
