Luftë e hapur mes kriminelëve shqiptarë po zhvillohet në rrugët e Londrës, ndërsa ata përpiqen të rritin territorin e tyre për të zhvilluar aktivitetin e trafikimit të lëndëve narkotike.
Në një sulm me armë dhjetë ditë më parë, dy persona u qëlluan gjatë ditës, ndërsa kalonin nëpër Barking në Lindje të Londrës, një fortesë e “Hellbanianz” ku ndodhet një grup famëkeq i krimit shqiptar.
Mësohet se një 20-vjeçar ishte shënjestër e atentatit të ndodhur në Wilmington Gardens, Barking, në orën 2.15 pasdite të enjten e 4 qershorit.
Oficerët që shkuan në vendngjarje gjetën dy burrat të plagosur rëndë ende në makinën e tyre.
20-vjeçari mbërriti në gjendje kritike për jetën në spital ndërsa personi tjetër fatmirësisht ishte jashtë çdo rreziku.
Një 26-vjeçar shqiptar është arrestuar në West Ealing i akuzuar për vrasje nga policia angleze.
Si rezultat i kontrollit të territorit nga bandat shqiptare të kokainës në Angli, 5 shqiptarë mbetën të vrarë vitin e shkuar.
Kriminelët shqiptarë në Angli kanë një profil të sofistikuar dhe kanë ndikim të lartë në aktivitetin kriminal të Anglisë dhe po zgjerojnë përherë dhe më shumë ndikimin e tyre në trafikun e drogës dhe në krimin e organizuar.