Xavi debuton me fitore në ndeshjen e parë në stolin e Barcelonës pasi mposhti në derbi Espanyolin me rezultatin 1-0.
Në pjesën e parë ekipi i Xavit nuk ja doli dot të zhbllokonte rezultatin pavarësisht mundësive të shumta që pati. Paqartësia përballë portës bëri që rrjetat të qëndronin të paprekura në 45 minutat e para.
Ndërkohë, golin e parë dhe të vetëm të takimit e shënoi Memphis Depay në minutën e 48′ me anë të një 11-metërshi. Holandezi goditi në mesin e portës duke e bërë të pamundur pritjen për Diego Lopez.
Kështu, Xavi rikthen Barcelonën te fitorja pas katër javësh. Ata ngjiten në vendin e gjashtë me 20 pikë, 7 më pak se Real Madridi që ka edhe një ndeshje më pak.
