Agjencia Evropiane për Ambient (EEA), ka thënë se vdekjet e parakohshme, të shkaktuara nga ndotja e ajrit, kanë rënë, mirëpo ende besohet se ky shkaktar çon në më shumë se 300,000 vdekje në vit.
Kjo Agjenci ka thënë në raportin e publikuar më 15 nëntor që nëse zbatohen udhëzimet e fundit për kualitet të ajrit të përpiluara nga Organizata Botërore e Shëndetësisë, numri i viktimave mund të përgjysmohet.
Më 2019 ishin regjistruar rreth 307,000 vdekje si pasojë e ajrit të ndotur, derisa më 2018, 346,000.
Ulja e numrit të viktimave në krahasim me vitin 2018 i është atribuuar përmirësimit të kualitetit të ajrit në kontinentin evropian.
Më 2019, Polonia ka regjistruar 39,300 vdekje, njëherësh shifrën më të lartë për kokë banori.
