Për shumicën prej jush filmi “I vetëm në shtëpi” është i preferuari juaj. E sigurisht që personazhi që pëlqeni më shumë është Kevin. Tani që kanë kaluar shumë vite që nga transmetimi për herë të parë në ekran, gjërat në jetën e aktorit të njohur kanë ndryshuar.
Mediat e huaja shkruajnë se Macaulay Culkin dhe partnerja e tij, Brenda Song, kanë mirëpritur disa ditë më parë fëmijën e tyre. Ata janë bërë prindër të një vajze, të cilën e kanë pagëzuar me emrin, Dakota Song Culkin.
“Jemi shumë të lumtur”, janë shprehur ata të dy, teksa bëhet e ditur se vajza ka ardhur në jetë më 5 prill. Mediat e huaja shkruajnë se çifti zgjodhi emrin Dakota për vajzën në nder të motrës së aktorit, që ndërroi jetë në vitin 2008.
Ajo ishte 29 vjeçe dhe humbi jetën pas një aksidenti me makinë. Ndërkohë “Esquire” ishte media e parë që njoftoi ardhjen në jetë të fëmijës së Culkin dhe Song.
#infowebtv
