Policia e Tiranës ka arrestuar një 51-vjeçar, pasi akuzohet se ka ushtruar dhunë fizike dhe psikologjike ndaj bashkëshortes së tij, ndërsa nuk ka kursyer as djalin e tyre të mitur. Por, falë ndërhyrjes në kohë të policisë, fatmirësisht ai është vënë në pranga dhe ndaj tij kanë nisur hetimet për veprën penale të ‘Dhunës në familje’.
Njoftimi i policsë:
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit A. Q., 51 vjeç, pasi ka ushtruar dhunë fizike dhe psikologjike ndaj bashkëshortes dhe ka keqtrajtuar djalin e tyre të mitur.
