RUSI- Presidenti turk, Recep Tayyip Erdogan, synon të propozojë rifillimin e bisedimeve të paqes për Ukrainën për të arritur një armëpushim të hershëm gjatë bisedimeve të planifikuara me presidentin rus, Vladimir Putin së shpejti, shkruajnë mediat e huaja.
Në javët e fundit të muajit gusht Vladimir Putin do të jetë në Turqi për bisedime të reja me presidentin turk Rexhep Tajip Erdogan.
“Erdogan do të ofrojë ndërmjetësimin e tij duke ripërsëritur tezën se nuk do të ketë fitues në luftë dhe humbës në procesin e paqes”, -tha burimi, duke e quajtur presidentin turk “të vetmin lider botëror” që gëzon “besimin e sinqertë” të Putinit dhe Zelenskyy”.
Samiti Rusi-Turqi do të mbulojë, përveç luftës në Ukrainë, rifillimin e marrëveshjes për eksportin e grurit ukrainas, lidhjet dypalëshe, marrëdhëniet midis Turqisë, Azerbajxhanit dhe Armenisë, si dhe normalizimin e marrëdhënieve midis Turqisë dhe Sirisë.
