BJELLORUSI- Bjellorusia, një aleat i ngushtë rus dhe fqinj i Ukrainës në veri të saj, ka nisur stërvitjet ushtarake në shkallë të gjerë. Kjo lëvizje është parë si alarm në Ukrainë.
Sipas BBC, ministria bjelloruse e mbrojtjes tha se stërvitjet përfshinin testimin e mjeteve të ushtrisë së saj për gatishmërinë luftarake, por shtoi se stërvitja nuk përbën kërcënim për fqinjët.
Megjithatë, Ukraina do të vëzhgojë nga afër Bjellorusinë.
Disa javë më parë kur Rusia po godiste veriun e Ukrainës, duke përfshirë kryeqytetin Kiev zyrtarët ukrainas pretenduan se disa nga raketat dukej se vinin nga ana bjelloruse e kufirit.
