Milan në ankth për Franck Kessie. Mesfushori 25-vjeçar i Milanit dhe Bregut të Fildishtë u detyrua të largohej nga fusha për shkak të dëmtimit në minutën e 30-të të takimit në raundin e 1/8-tave të finalës së Kupës së Afrikës.
Ai u dëmtua në brinjë në sfidën ndaj Egjiptit. Në orët në vijim priten edhe vizitat e thelluara mjekësore për mesfushorin e Milanit për të parë shkallën e tij të dëmtimit.Egjipti kaloi në çerekfinalet e Kupës së Afrikës pasi mposhti me penallti Bregun e Fildishtë.
Mohamed Salah dhe lojtarët e tjerë të ekipit u treguan më të saktë nga pika e bardhë duke i realizuar të pestë 11-metërshat, ndërkohë që gabimi i Bailly peshon shumë.
