Një zyrtar i lartë i mbrojtjes amerikane tha këtë të martë se SHBA nuk mund të konfirmojë përdorimin e agjentëve kimikë nga ana e forcave ruse në qytetin e rrethuar të Mariupol. Sipas asaj që raporton Reuters, zyrtari, i cili foli me gazetarët në kushte anonimiteti, tha se SHBA nuk ka informacion për të mbështetur dyshimet për futjen e agjentëve kimikë në ose afër Ukrainës.
SHBA dhe Britania kanë qenë të dyja duke shqyrtuar raportet, pasi regjimenti Azov i Ukrainës tha se tre ushtarë u plagosën nga “një substancë helmuese” të hënën.
Megjithatë, asnjë provë nuk është paraqitur për të konfirmuar përdorimin e armëve kimike.
Të konstatosh se çfarë po ndodh në Mariupol është aktualisht shumë e vështirë pasi është i rrethuar nga forcat ruse dhe furnizimet me ushqime dhe furnizime mjekësore po mbarojnë.
