Në duelin midis dy ish-trajnerëve të Ligue 1, ishte Thomas Tuchel, i munguar për shkak të Covid-it, ai që u kualifikua ndaj homologut të tij, Leonardo Jardim. Në të vërtetë, Chelsea fitoi kundër Al-Hilal (1-0) në gjysmëfinale të Kupës së Botës për klube.
Blutë dominuan takimin, duke krijuar shumë raste, por që shpesh pengoheshin në një këmbë apo kundërsulm saudit. U desh edhe një gabim nga mbrojtja kundërshtare që Chelsea të shënonte golin e vetëm të ndeshjes.
Romelu Lukaku në minutën e 32-të mashtroi Abdullah Al-Mayouf, duke shënuar fitoren 1-0. Belgu u rikthye te goli, pas pesë ndeshjeve pa shënuar në të gjitha garat.
Al-Hilal në pjesën e dytë e kërkoi më tepër golin, por Kepa ishte pengesë në dy raste. Portieri spanjoll fitoi fillimisht ballë për ballë me Marega (63′) përpara se të fluturonte në të majtë të tij, pas një goditjeje nga Mohammed Kanno (78′).
Chelsea u drodh deri në fund, por qëndroi fituese duke siguruar finalen e kompeticionit të shtunën (17:30) kundër Palmeiras, i cili mundi klubin egjiptian Al-Ahly (2-0).
