ITALI – Dy vjet më vonë, Giorgio Chiellini ripërqafoi Juventusin. Ish-kapiteni i bardhezinjve, i cili shkoi në MLS në vitin 2022 për të luajtur sezonin e tij të fundit si futbollist me Los Angeles FC, është gati të kthehet në Torino, këtë herë si trajner.
Në SHBA, Chiellini (i cili u diplomua në Administrim Biznesi) fitoi përvojë edhe si menaxher dhe pas këtij lloji praktike, nga shtatori do t’i bashkohet drejtimit të Juventusit.
Jo një rol simbolik, duke qenë se ai do të punojë në kontakt të ngushtë me CEO Maurizio Scanavino: operimi më shumë pas tavolinës sesa afër fushës, gjë që do të mbetet prerogativë e Thiago Motta dhe Cristiano Giuntoli.
Chiellini, shpjegon Gazzetta dello Sport, nuk do të ketë përgjegjësi teknike apo të tregut, por fokusi i tij do të jetë në menaxhimin e biznesit të bardhezinjve.
Dyzet vjeç më 14 gusht, ish-kapiteni është gati të përqafojë sërish Juventusin e tij, ku do të gjejë vëllain e tij binjak Claudio, drejtor aktual sportiv i Juventus Next Gen.
