Lewis Hamilton triumfon në Jeddah të Arabisë Saudite. Piloti i Mercedes i parapriu Max Verstappen dhe Valtteri Bottas që mbylli podiumin. Një Grand Prix shumë i tensionuar, me tre starte pas shumë përplasjeve dhe disa incidente.
Në xhiron e 43-të erdhi një vendim për 5 sekonda penalizim për Verstappen, ndërsa në të njëjtën kohë Hamilton kompletoi parakalimin dhe mori kryesimin e garës, të cilin e mbajti deri në fund, duke ia dalë të triumfojë.
Gara e radhës do të jetë në Abu Dabi dhe pikërisht aty do të vendoset edhe kampioni i Formulës 1 për sezonin 2021, një nga më të luftuarit dhe më dramatikët në histori. Duhet thënë se dy pilotët janë me pikë të barabarta me 369.5 pikë secili.
