Klubi i Spezias ka bërë me dije me anë të një komunikate zyrtare se tre lojtarë janë evidentuar të jenë pozitiv pas tamponëve të kryera, ku midis tyre është dhe Rey Manaj.
Përveç sulmuesit të Kombëtares shqiptare të infektuar rezultojnë Petko Hristov dhe Mbala Nzola. Të tre lojtarët janë totalisht asimptomatik.
“Klubi i Spezias komunikon se gjatë një kontrolli të testeve anti-Covid u evidentuan tre raste pozitive të lojtarëve”, shkruhej në komunikatën e klubit italian.
