Khabib Nurmagomedov ka marrë mbrëmjen e djeshme fitoren e 29-të në karrierën e tij, kundër Justin Gaethje. Pas duelit, ylli i UFC bëri të ditur se do të pensionohet nga ky sport, për të dëgjuar dëshirën e nënës së tij, por edhe me arsyen se nuk mund të luftojë pa babanë e tij, i cili humbi jetën para pak muajsh. Pas gjithë këtyre ngjarjeve, një reagim erdhi edhe nga Cristiano Ronaldo, i cili postoi një dedikim në ‘Instagram’.
Ronaldo shkruan:
Urime vëlla. Babai yt është krenar me ty.
Cristiano Ronaldo gjithashtu ka humbur babain e tij në një moshë të re dhe e njeh mirë dhimbjen e Khabib. Khabib tashmë do të pensionohet nga MMA me një rekord 29-0.
