Presidenti Bajram Begaj i ka uruar me një foto ditëlindjen shkrimtarit të njohur Ismail Kadare duke e quajtur mjeshtër të letërsisë shqiptare.
Në postim e tij, Presidenti shprehet se Kadare është ambasadori më i mirë i kulturës shqiptare, dhe gjithashtu shkrimtari që ka rritur dhe nderuar emrin e Shqipërisë në botë.
Postimi i Presidentit Begaj:
Patëm kënaqësinë që së bashku me Armandën, t’i uronim sot ditëlindjen mjeshtrit të letërsisë shqipe, Ismail Kadare.
I përkthyer në mbi 45 gjuhë, ai është ambasadori më i mirë i kulturës shqiptare, historisë dhe identitetit tonë, shkrimtari dhe intelektuali që e ka rritur dhe nderuar emrin e Shqipërisë në botë.
