– Këngëtarja Semi Jaupaj, e cila ka vetëm pak ditë që ka lënë shtëpinë e “Big Brother VIP” ka folur për afrimitetin e këngëtares Beatrix Ramosaj dhe aktorit, Donald Veshaj.
Gjatë emisionit live në studio, ajo është shprehur se e cilëson si lojë ose afrimitetin e aktorit me Beatrix ose puthjen me Borën që bëri bujë të madhe në të gjithë mediat.
Sipas Semit, Donaldi bëri shumë gjëra për Borën dhe nuk mori asnjë sinjal prej saj. Ndër të tjera theksoi se aktori u ndikua nga hyrja e Antonelës dhe Meridianit që i dhanë sinjale se moderatorja Bora Zemani, nuk po e pret dhe se ka vazhduar jetën e saj jashtë.
“Unë e shoh një lojë. Pse? Ose është kjo është lojë, ose ajo kur Bora shkoi në shtëpi. Mendoj që hyrja e Antonelës dhe Meridianit ka ndikuar sepse hynë me informacione të rreme dhe duke i dhënë sinjale që Bora nuk po e pret, nuk po e mbështet dhe po vazhdon lojën. Pas debatit tim, Donaldi ka folur me PM, ai tha se është xheloz i sëmurë. Ka dashur një sinjal nga Bora duke qenë se i ka dhënë varëse. Di që Bora ka dashur t’i sjellë dicka. Pas të gjithë gjërave, Donaldi nuk mori asnjë sinjal mbrapsht. Ose takimi me Borën ishte lojë, ose kjo. Donaldi është i inatosur. E di si është Donaldi i dashuruar dhe nuk shoh një dashuri në këtë rast, do doja që të qartësohej dhe qetësohej. Dëgjova që tha s’kam dasht të vejë Semin në siklet dhe do ndihesha keq nëse ka këtë mendim. Nëse po fshihesh nga Semi kur ke një popull të tërë që po të shikon dhe një Borë që po pret për ty jashtë. Ka njerëz më të rëndësishëm se unë aty jashtë. S’ka pse të ndikojë Semi këtu, Semi është shoqja e Borës. S’do e hedh asnjë moment poshtë këtë njeriun sepse ka qenë shumë afër për mua, por ky qëndrim s’dua të them asnjë fjalë tani!,”-u shpreh ajo.
