Zyrtarët francezë të shpëtimit thanë këtë të martë se gjetën trupat e dy alpinistëve italianë dhe dy koreano-jugorë pranë majës së Mont Blanc në anën franceze, pasi u zhdukën gjatë fundjavës për shkak të motit të keq.
Ekipi i kërkimit dhe shpëtimit Chamonix-Mont Blanc gjeti dy çiftet e alpinistëve në një lartësi prej 4700 metrash në majën më të lartë të Alpeve. Ata vdiqën nga hipotermia, thanë zyrtarët e shpëtimit.
Alpinistët e pashoqëruar kishin lajmëruar ekipet e shpëtimit të shtunën pasdite, por kushtet e motit vazhduan të përkeqësoheshin, duke penguar që ata të arrinin vendndodhjen e tyre nga toka ose me helikopter.
Dy alpinistë të tjerë koreanë u shpëtuan me sukses të dielën në mëngjes në një lartësi prej 4,100 metrash pas një operacioni kompleks kërkim-shpëtimi.
Autoritetet franceze kanë hapur një hetim mbi tragjedinë.
