Dy fëmijë të mitur janë larguar nga Qendra Kombëtare Pritëse të Viktimave të Trafikimit, në Tiranë.
Denoncimin e ka bërë një punonjëse e këtij institucioni, e cila ka kallëzuar në polici largimin e tyre.
“Në Komisariatin e Policisë Nr. 4 është paraqitur shtetasja E. K., punonjëse e Qendrës Kombëtare Pritëse të Viktimave të Trafikimit, e cila ka kallëzuar se dy shtetas të mitur janë larguar nga kjo qendër. Punohet për gjetjen e tyre”, njofton policia e Tiranës.
Qëndra Kombëtare Pritëse e Viktimave të Trafikimit është pjesë përbërëse e rjetit të institucioneve të Përkujdesit Shoqëror të administruara nga Shërbimi Social Shtetëror me ndërtesë në Linzë.
